Yaponiya hökuməti qışda elektrik enerjisi çatışmazlığı olacağını proqnozlaşdırıb. İqtisadiyyat, ticarət və sənaye naziri Koiçi Hagiuda bildirib ki, bu səbəbdən ölkə əhalisi yayda mümkün qədər elektrik enerjisinə qənaət etməlidir.
Azpost.info xəbər verir ki, Yaponiyada elektrik enerjisinə qənaət rejimi 2011-ci ildə “Fukusima-1” AES-də baş vermiş qəzadan sonra tətbiq edilib. Bu rejim 2015-ci ilə qədər qüvvədə olub. Nazir Tokioda keçirdiyi mətbuat konfransında enerjiyə qənaət rejiminə qayıdışı elan edib. Onun sözlərinə görə, yayda üç regionda elektrik enerjisinə tələb və təklif nisbəti 3,1 faiz həddinə qədər azalacaq: “Qışda bu rəqəmin mənfi olacağını gözləyirik. Beləliklə, biz bütün ölkədə elektrik enerjisinə qənaət etməyə çağırırıq”. Yaponiya hökuməti iri şirkətlərin enerjidən istifadəsinə məhdudiyyətlər qoyulacağını da istisna etmir.
Azpost.info
