“Yaranmış vəziyyətdə əhalini təmkinli davranışa çağırıram” –Baş Nazir valyuta bazarına nəzarətin gücləndiyini bildirdi

“Yaranmış qlobal iqtisadi vəziyyət mürəkkəbdir”.

Bunu bu gün Nazirlər Kabinetində qlobal enerji bazarında vəziyyət və onun ölkə iqtisadiyyatına təsirinə dair müşavirədə Baş Nazir Əli Əsədov bildirib.

Ə. Əsədov deyib ki, vəziyyətə gündəlik əsasda nəzarət edilir və iqtisadiyyatımızda mövcud situasiya idarəolunandır: “Hökumət qlobal iqtisadiyyatda baş verən son hadisələrin ölkə iqtisadiyyatına mənfi təsirlərinin aradan qaldırılması üçün müvafiq təsir alətlərinə malikdir və zəruri olduğu halda bu alətlərdən çevik istifadə ediləcək. Neft bazarında və qlobal iqtisadiyyatda baş verən hadisələrə qarşı ölkənin kifayət həcmdə maliyyə resursları vardır. Artıq qeyd olunduğu kimi, strateji valyuta ehtiyatlarımız ümumi daxili məhsulun 100 faizini ötür və xarici dövlət borcunu 6 dəfə üstələyir. Bu baxımdan, yaranmış vəziyyətdə biznes ictimaiyyətini və əhalini təmkinli davranış nümayiş etdirməyə çağırıram. Eyni zamanda, bildirmək istəyirəm ki, valyuta bazarına nəzarət gücləndiriləcək, qeyri-qanuni hərəkətlər və yaranmış vəziyyətdən sui-istifadə hallarının qarşısı qətiyyətlə alınacaq”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Elman Rüstəmov Baş Nazirə dollar ajiotajından danışdı:

Sonrakı məqalə

Bakıda karantinə aparılan 25 tələbədən biri danışdı: