Yaxın günlərdə Avropa İttifaqı (Aİ) Rusiya neftinə embarqo qoyacaq.
Azpost.info xəbər verir ki, bunu Fransa Xarici İşlər Nazirliyinin dövlət katibi Klement Bon bildirib.
“Bu, yaxın bir neçə günün işidir. Biz tez hərəkət etməliyik”, – Bon Rusiyadan yanacaq idxalına embarqonun mümkün vaxtı ilə bağlı sualı cavablandırarkən deyib. Bon Macarıstanın bu məsələ ilə bağlı şübhələrinin tezliklə aradan qaldırılacağına ümid etdiyini də qeyd edib.
O, etiraf edib ki, bir çox Avropa ölkələri Rusiya neftindən asılıdır və buna görə də onlar üçün qərar qəbul etmək daha çətindir. “Bu, təkcə Macarıstan üçün deyil, məncə, Slovakiya və Bolqarıstan üçün də həssas məsələdir. Onlar Avropa İttifaqında digərlərindən daha çox Rusiya neftindən asılıdırlar”.
Azpost.info
