Bəşəriyyət 50 il əvvəl qurulmuş olanı əvəz etmək üçün yeni dünya nizamına ehtiyac duyur.
Azpost.info xəbər verir ki, bunu ABŞ prezidenti Co Bayden bildirib.
Onun sözlərinə görə, indiki model ömrünü başa vurub, lakin amerikalılar yenisini yarada bilərlər.
“Düşünürəm ki, əgər kifayət qədər cəsarətli və inamlı olsaq, dünyanı indiyə qədər heç vaxt görülməmiş şəkildə birləşdirmək imkanımız var. Müharibədən sonrakı dövrdə 50 il yaşadıq və hər şey çox yaxşı işlədi, amma tükəndi. Ona görə də bizə fərqli, yeni dünya nizamı lazımdır”, -Bayden deyib.
O əlavə edib ki, bu, tarixdəki dönüş nöqtəsidir: “Bu o deməkdir ki, qarşıdakı dörd-beş il ərzində qəbul edəcəyimiz qərarlar qarşıdakı dörd-beş onilliyin necə olacağını müəyyən edəcək”.
Azpost.info
