Kosmik təhlükəsizlik və Günəş sistemindəki hərəkətlilik alimlərin daimi nəzarətindədir. Rusiya Elmlər Akademiyasının Tətbiqi Astronomiya İnstitutunun baş elmi işçisi Nikolay Jeleznov Yer üçün potensial risk yarada biləcək səma cisimlərinin sayını açıqlayıb.
AzPost xəbər ki, son məlumatlara görə, hazırda elm adamları Yer kürəsinə yaxınlaşan təxminən 40 min asteroid aşkar ediblər.
Ümumilikdə Günəş sistemində bir milyondan çox asteroid kəşf edilib. Onların əsas hissəsi Mars və Yupiterin orbitləri arasında yerləşən Baş qurşaqda cəmləşib. Yerə yaxınlaşan asteroidlər arasında müxtəlif ölçülü obyektlər var ki, onlardan ən irilərinin diametri bir kilometrdən çoxdur.
Hansı asteroidlər “potensial təhlükəli” sayılır?
Astronomların qənaətinə görə, səma cismi aşağıdakı şərti ödədikdə potensial təhlükəli hesab olunur:
-
Əgər obyekt öz hərəkət trayektoriyası boyu Yer kürəsinə 7,5 milyon kilometrdən daha yaxın məsafəyə gəlirsə.
Məlumata görə, bu cür obyektlərin sayı kifayət qədər çoxdur. Məsələn, diametri bir kilometrdən böyük olan və Yer üçün potensial təhlükə yarada biləcək asteroidlərin sayı 154-ə bərabərdir.
Alimlər bu obyektlərin hərəkətini izləməyə davam edir və qeyd edirlər ki, müasir texnologiyalar bu cür yaxınlaşmaları illər öncədən proqnozlaşdırmağa imkan verir.
