“Sovet kosmonavtı Yuri Qaqarinin şəxsi işi “Roskosmos”un təşəbbüsü ilə dövlət korporasiyasının nəşr etdiyi “Rus kosmosu” jurnalı tərəfindən məxfilikdən çıxarılıb.
Azpost.info xəbər verir ki, nəşrin məlumatına görə, Kosmonavtların Hazırlanması Mərkəzinin arxivində olan şəxsi iş artıq tədqiqatçılar üçün əlçatandır.
“Bu ilin sentyabrında “Roskosmos”un təşəbbüsü ilə məxfilik möhürü tarixi sənəddən çıxarılıb və indi o, tədqiqatçıların ixtiyarına verilib”, – məlumatda bildirilir.
Sovet kosmonavtikasının ən məşhur siması sayılan Yuri Qaqarin 1961-ci il aprelin 12-də Baykonur kosmodromundan “Vostok-1” gəmisində ilə ilk dəfə yerətrafı orbitə çıxıb. O, kosmik fəzada 108 dəqiqə dövr edərək yerə qayıdıb. Aprelin 14-də – kosmosa uçuşundan iki gün sonra Sovet İttifaqı Qəhrəmanı adına layiq görülüb.
Azpost.info
