Paşinyan
“Minsk Qrupunun ləğvi və sülh sazişinin mümkün ilkin imzalanması Ermənistan Respublikası üçün gündəmidir. Bunun hansı şəraitdə baş verə biləcəyi hazırda fəal müzakirə olunur”.
AzPost bildirir ki, bu sözləri Ermənistan baş nazirinin mətbuat katibi Nazeli Baqdasaryan Prezident İlham Əliyevin son açıqlamalarına münasibət bildirərkən deyib.
O, həmçinin Konstitusiyanın dəyişdirilməsi ilə bağlı məsələyə toxunub. N.Baqdasryan deyib ki, baş nazir Paşinyan hələ 2018–2020-ci illərdə Ermənistan Respublikasının yeni Konstitusiyasının qəbul edilməsinin zəruriliyi ilə bağlı müzakirələrə başlayıb və bu məsələ hazırda aktiv institusional müzakirə mərhələsindədir.
“Zəngəzur dəhlizi” ilə məsələyə toxunan Baqdasaryan bildirib ki, Ermənistan bu bölgədə dəmir yolunun 42 kilometrlik hissəsinin tikintisinə Azərbaycanla razılıq əldə olunduqdan sonra başlayacaq. “Azərbaycanla razılıq əldə edildikdən sonra sözügedən dəmir yolunun tikintisinə başlanacaq və artıq hazırlıq işləri aparılır. Məsələn, Nrnadzor kəndinə yeni yolun tikintisi, hazırda onunla köhnə dəmir yolu xətti ilə avtomobil əlaqəsi aparılır”.
Onunu sözlərinə görə, Ermənistan qonşuları ilə bütün nəqliyyat marşrutlarının açılmasında maraqlıdır.
