Ukrayna Prezidenti Vladimir Zelenski İsrailin Ukrayna müharibəsində neytrallığını tənqid edib.
Prezident Zelenski bu barədə “Haaraetz”in təşkil etdiyi konfransda onlayn formatda çıxışı zamanı deyib.
Ukrayna Prezidenti İsrail liderlərinin Kiyevi dəstəkləməmək qərarının Rusiyanın İranla hərbi tərəfdaşlığını təşviq etdiyini bildirib.
“Sizin siyasətçiləriniz vaxtında yalnız bir qərar qəbul etsəydilər, onların bu ittifaqı, sadəcə olaraq, baş tutmazdı… Və deyəsən, bu qərar, çoxdan qəbul edilib – 2014-cü ildə, Rusiya Ukraynaya qarşı təcavüzünə başlayanda. Qərar “Kremli qıcıqlandırmamaq, Ukraynaya real kömək etməmək idi”, Zelenski deyib.
Ukrayna prezidenti Vladimir Zelenski onu da qeyd edib ki, Moskvanın Tehranla hərbi əməkdaşlığı, çox güman ki, Rusiyanın İrana nüvə proqramının inkişafında yardım etməsi ilə nəticələnəcək: “İsrail iki ölkənin inkişaf edən ittifaqının qarşısını ala bilərdi”. (APA)
