Ukrayna prezidenti Zelenski Putinlə Moskvada və Budapeştdə görüşməkdən imtina edib.
AzPost bildirir ki, o bu barədə Kiyevdə jurnalistlərlə görüşdə deyib.
Zelenski bildirib ki, Putinlə Avstriyada, İsveçrədə və ya Türkiyədə görüşməyə hazırdır: “Biz görüşün neytral Avropada baş tutmasını ədalətli hesab edirik və avropalılar da bunu qeyd etdilər. Çünki Ukraynadakı müharibə Avropa qitəsindədir. İsveçrə, Avstriya – biz razıyıq. Türkiyə? Bizim üçün Türkiyə NATO ölkəsidir və Avropanın bir hissəsidir. Və biz buna qarşı deyilik”, – deyə Zelenski Moskvada görüşü istisna edib.
“Bir platforma olaraq Budapeştə gəlincə, mənə elə gəlir ki, bu asan deyil. Çünki bu müharibə zamanı Ukraynaya dəstəklə bağlı bütün Avropa ölkələri arasında birlik var. Düzünü desək, Budapeşt bizi dəstəkləmədi. Mən demirəm ki, Orbanın siyasəti Ukraynaya qarşı idi, amma Ukraynanın dəstəkləmədi”, – Zelenski əlavə edib.
O xatırladıb ki, Macarıstan da Ukraynanın Avropa İttifaqına daxil olmasına qarşıdır.
Rusiya prezidenti ilə görüşün vaxtı barədə danışan Zelenski qeyd edib ki, Kiyev 7-10 gün ərzində təhlükəsizlik zəmanətlərinin arxitekturasını anlamaq və daha sonra ABŞ-ın iştirakı ilə üçtərəfli görüş keçirmək istəyir.
“Biz hazırıq. Bəs ruslar hazırdırmı? Əgər ruslar hazır deyilsə, o zaman biz ABŞ-dan buna sərt reaksiya görmək istərdik”, – deyə Zelenski əlavə edib.
