Zelenski və Tramp Kanadada keçiriləcək G7 sammitində görüşəcəklər.
AzPost bildirir ki, Axios-un Ağ Ev nümayəndəsinə istinadən verdiyi məlumata görə, Ukrayna və ABŞ liderləri G7 sammiti çərçivəsində ikitərəfli görüş keçirəcəklər.
Trampın Kanadanın baş naziri Karni və Meksika prezidenti Şeynbaumla da danışıqları planlaşdırdığı bildirilir.
Sammitin əsas mövzuları İsrail və İran arasında münaqişənin gərginləşməsi, Amerikanın ticarət siyasəti və Ukraynadakı vəziyyətdir. Sammit çərşənbə axşamı gününə qədər davam edəcək.
Zelenski və Tramp sonuncu dəfə 2025-ci ilin aprelində Papa Fransiskin dəfn mərasimində görüşüb, söhbəti təxminən 15 dəqiqə davam edib.
