Ukrayna prezidenti Vladimir Zelenski Silahlı Qüvvələrin keçmiş baş komandanı Valeri Zalujnının Ukraynanın Böyük Britaniyadakı səfiri vəzifəsinə namizədliyi ilə bağlı razılığa gəlib.
Bu barədə Ukrayna Xarici İşlər Nazirliyi məlumat yayıb.
“Cümə axşamı, 7 mart 2024-cü ildə Ukrayna Prezidenti Valeri Zalujnının Ukraynanın Böyük Britaniya və Şimali İrlandiya Birləşmiş Krallığında fövqəladə və səlahiyyətli səfiri vəzifəsinə namizədliyini razılaşdırıb.Ukrayna Xarici İşlər Nazirliyi Britaniya tərəfinə aqreman (tərcümeyi-hal) göndərib”, – diplomatik departamentin bəyanatında deyilir.
