“Əfqanların qışdan sağ çıxması üçün təcili 770 milyona ehtiyac var”- BMT rəsmisi

“Əfqanıstanın donor ölkələrdən təcili maliyyəyə ehtiyacı var. Ölkədə davam edən iqtisadi böhran səbəbindən 6 milyon əfqan tezliklə aclıqla üzləşə bilər”.

Azpost.info xəbər verir ki, bunu BMT Baş katibinin humanitar məsələlər üzrə müavini və fövqəladə hallar üzrə koordinator Martin Qriffits deyib.

“Yoxsulluq getdikcə dərinləşir, əhali artmaqda davam edir və hakimiyyətin öz gələcəyinə investisiya qoymağa büdcəsi yoxdur. Bizə aydındır ki, ölkəyə müəyyən dəstəyin yenilənməsi lazımdır”, – Qriffits bildirib.

Qriffitsin hesablamalarına görə, əhalinin qarşıdan gələn qışdan sağ çıxması üçün ölkə təcili olaraq 770 milyon dollar ayırmalıdır.

Qeyd edək ki, Birləşmiş Ştatlar Əfqanıstan Mərkəzi Bankının bütün aktivlərini dondurub. Co Bayden administrasiyası “Taliban” Kabili ələ keçirdiyi gün Əfqanıstanın vəsaitlərini dondurmaq qərarı verib. Bəzi məlumatlara görə, ABŞ hesablarında Əfqanıstan Mərkəzi Bankına məxsus  9 milyard dollardan çox vəsait var.

Azpost.info

 

Əvvəlki məqalə

“Lotu Quli”nin qardaşı Rusiyada saxlanılıb

Sonrakı məqalə

Rusların sərhəddən avro keçirməsinə qadağa qoyulub