Britaniya baş naziri Boris Conson ölkə iqtisadiyyatının inkişafı üçün yeni plan təqdim edəcək.
Azpost.info xəbər verir ki, bu barədə “Reuters” məlumat yayıb.
Məlumata görə, plan iqtisadiyyatının inkişafını sürətləndirməyə hesablanıb. Baş nazirin bəyanatı Britaniya ticarət palatası və İqtisadi əməkdaşlıq və inkişaf təşkilatının ölkə iqtisadiyyatının artım tempinin yavaşlaması ilə bağlı proqnozlarından sonra verilib.
“Növbəti bir neçə həftə ərzində hökumət insanlara qida və kommunal xidmətlərdən tutmuş, uşaq baxımına, nəqliyyat və mənzilə qədər həyatın bütün sahələrində xərcləri azaltmağa kömək edəcək islahatlarla çıxış edəcək”, – Conson bildirib.
Baş nazir qeyd edib ki, əsas enerji resurslarının maya dəyərinin, eləcə də nəqliyyat və mənzil xərclərinin azaldılması britaniyalıların rifahını yüksəltməklə yanaşı, iqtisadiyyatın inkişaf tempini artırmağa kömək edəcək.
Azpost.info
