“Türkiyə Prezidenti Rəcəb Tayyib Ərdoğan oktyabrın 12-13-də Astanada dövlət səfərində olacaq”.
Azpost.info xəbər verir ki, bu barədə Qazaxıstan Prezidentinin mətbuat xidməti məlumat yayıb.
Bundan əvvəl Qazaxıstan Məclisinin sədri Yerlan Koşanov Türkiyə Prezidentinin oktyabrda respublikaya səfər edəcəyini bildirsə də, dəqiq tarix açıqlamamışdı.
Koşanov qarşıdakı səfərin iki qardaş ölkə arasında münasibətləri yeni səviyyəyə qaldıracağına və onların daha da möhkəmlənməsi üçün yeni imkanlar yaradacağına əminliyini ifadə etmişdi.
“Ölkələrimiz arasında əməkdaşlıq ildən-ilə güclənir. Bu, daha çox Rəcəb Tayyib Ərdoğanla Kasım-Jomart Tokayev arasında dostluq münasibətlərinin və səmərəli dialoqun nəticəsidir. Türkiyə liderinin bu ilin oktyabrında Qazaxıstana gəlişini səbirsizliklə gözləyirik”, – Koşanov bildirmişdi.
Azpost.info