100 min yumurta oğurlandı

100 min yumurta oğurlandı. 

ABŞ-da quş qripi böhranı fonunda təxminən 40 min dollar dəyərində yumurta oğurlanıb.

Həftə sonu Pensilvaniyada təxminən 40 min dollar dəyərində yumurta oğurluğu baş verib.

AzPost xəbər verir ki, bu, ABŞ-da yumurtanın qiymətinin kəskin artması fonunda baş verib. Ştat polisi bildirib ki, Qrinkasldakı Pete Gerry’s Organics şirkətinin treylerinden təxminən 100 min yumurta oğurlandı. Hazırda araşdırma aparılır, lakin hələlik təfərrüatlar yoxdur.

Pete Gerry’s oğurluqdan xəbərdar olduqlarını və polislə əməkdaşlıq etdiklərini söyləyob. Onlar vəziyyətə ciddi yanaşdıqlarını və mümkün qədər tez həll etmək istədiklərini vurğulayıblar. Lakin araşdırmaya görə əlavə şərh verə bilmirlər.

Xatırladaq ki, ABŞ-da yumurtanın qiyməti son illərdə kəskin artıb. CBS News-a görə, 2019-cu ildən 2024-cü ilə qədər 160% artım qeydə alınıb.

Bundan əlavə, ölkədə son aylar yumurta qıtlığı yaşanır. Əsas səbəb quş qripinin yayılmasıdır. ABŞ Kənd Təsərrüfatı Departamentinin məlumatına görə, təkcə dekabr ayında xəstəlik milyonlarla yumurtlayan toyuğun ölümünə səbəb olub.