Rusiyanın paytaxtı Moskvada 11 yaşlı qız nənəsini öldürüb. AzPost yerli telegram kanallarına istinadla bildirir ki, məktəbli qız valideynləri və 75 yaşlı nənəsi ilə birlikdə Tvardovski küçəsində yaşayıb.
Yanvarın 30-da günorta qız gəzintiyə çıxmaq istəsə də, nənəsi ona icazə verməyib. Daha sonra qız mətbəxə keçərək bıçağı götürüb və nənəsini sağ tərəfdən vurub.
Sonra azyaşlı qız küçəyə qaçıb və nənəsinin öldüyünü qışqırıb. Yaşlı qadın təcili tibbi yardım avtomobilində keçinib.
Qeyd olunur ki, nəvəyə qarşı iş açılıb, lakin qız mühakimə olunmayacaq. Çünki bu maddə ilə məsuliyyət yalnız 14 yaşından başlayır.
