həbs
43 yaşlı Tapdıq Əzizov 13-cü dəfə cinayət məsuliyyətinə cəlb edilib. Bu dəfə bankomatların qarşısında 3 nəfəri aldadaraq pullarını ələ keçirib.
Musavat.com xəbər verir ki, Tapdıq Əzizov bu dəfə Cinayət Məcəlləsinin oğurluq maddəsi ilə təqsirli bilinib.
T.Əzizov bankomatın qarşısında gözləyərək kartlarından pul çıxarmaq istəyən 3 nəfəri aldadıb. Belə ki, pul çıxarmaq məqsədilə bankomata yaxınlaşan şəxslərə kömək etmək üçün onlardan kartını alıb. Kartın şifrəsini yığdıqdan sonra həmin şəxslərə bankomatda pul olmadığını deyərək oradan uzaqlaşdırıb. Lakin həmin ərəfədə kartdan pul çıxarılması əməliyyatını həyata keçiribmiş. Əldə etdiyi məbləğləri şəxsi ehtiyaclarına xərcləyib.
Dəfələrlə məhkum olunduğunu deyən T.Əzizov əməlindən peşman olduğunu bildirib.
Daha əvvəl oğurluq, talama, qəsdən sağlamlığa zərər vurma və başqa maddələrlə məhkumluq həyatı yaşayan Tapdıq Əzizov bununla 13-cü dəfə məsuliyytə cəlb edilib.
Əzizov budəfəki cinayət əməlinə görə 3 il azadlıqdan məhrum edilib.
