Azərbaycanın dövlət xadimi, sabiq Baş naziri, keçmiş XİN rəhbəri Həsən Həsənov MTV-yə müsahibə verib.
AzPost bildirir ki, H.Həsənov müsahibədə bir sıra maraqlı məqamları açıqlayıb, ictimai-siyasi fəaliyyətindən, həyatından, gəncliyindən, kareyra yolundan danışıb.
“-1992-ci ildə Baş nazir vəzifəsindən istefa verdim. O zaman prezident də (Ayaz Mütəllibov nəzərdə tutur-red) xalqın tələbi ilə vəzifəsindən getmişdi. Mən Naxçıvana Heydər Əliyevə zəng vurdum. Dedim ki, BMT-yə səfir gedirəm. Dedim, “Heydər Əliyeviç, Azərbaycanda prezident seçkiləri olacaq, namizədliyinizi verəcəksiniz?” Dedi, “yox, verməyəcəyəm”. Soruşdum niyə? Heydər Əliyev dedi, “yeni nəsil gəlir, özlərindən də çox razıdırlar. Şərait yaradaq qoy işləsinlər. Namizədliyimi verməyəcəyəm”.
Mən soruşdum ki, “siz inanırsınız onlar ( AXC rəhbərləri-red) öhdəsindən gələcəklər?”
Dedi “onlar mənim inanıb-inanmamğıma arxalanmırlar. Öz düşüncələrinə arxalanırlar. Qoy bu imtahanı tarix qarşısında özləri versinlər. Onlar da verə bilmədilər. Heydər Əliyev təzədən hakimiyyətə qayıtdı. Qayıdandan qısa müddət sonra da məni xarici işlər naziri təyin etdi”.
“-1958-ci ildə Bakıya gələndə gördüm hamı rus dilində danışır”.
“-Azərbaycan dilini Bakıda öyrəndim…”
-“Gəncədə mənə “kərpic Həsən” deyirdilər…”
-“Heydər Əliyevin nə özünə yazığı gəlirdi, nə onunla işləyənlərə…”
“BMT-də işləyəndə gördüm ki, heç Azərbaycan sözünü belə eşitməyiblər…”
– Çox sərt adamam…”
AzPost müsahibəni təqdim edir:
