Türkiyənin ən böyük aviaşirkəti olan Türk Hava Yolları 2034-cü ilə qədər müxtəlif modellərdə 225 yeni Boeing təyyarəsi almağı planlaşdırır.
AzPost bildirir ki, bununla bağlı aviaşirkətin yaydığı açıqlamada deyilir.
“Böyümə hədəflərimizə uyğun olaraq, direktorlar şurası Boeing şirkətindən cəmi 75 ədəd B787-9 və B787-10 təyyarəsi almağa qərar verdi. Bunun 50 ədədi qəti sifarişlərdir, əlavə 25 ədəd isə 2029-2034-cü illər arasında çatdırılma variantlarıdır. Hazırda Rolls-Royce və Aerospa şirkətləri ilə mühərriklər, ehtiyat mühərriklər və bu təyyarələr üçün mühərrikə texniki xidmətlərin alınması ilə bağlı müzakirələr aparılır”. – deyə aviaşirkət elan edib.
“Bundan əlavə, “Boeing ilə cəmi 150 ədəd 737-8/10MAX təyyarəsinin alınması üçün danışıqlar başa çatıb”, – şirkətdən aydınlıq gətirilib. Bunlardan 100-ü qəti sifarişlər, 50-si isə seçimlərdir.
Türk Hava Yolları bildirib ki, bu təyyarələrin mühərrik istehsalçısı olan CFM International ilə danışıqlar uğurla yekunlaşarsa, 737-8/10MAX təyyarələri üçün sifarişlər veriləcək.
Şirkət bildirib ki, bu müqavilələrlə rəhbərlik 2035-ci ilə qədər bütün donanmasını yeni nəsil təyyarələrə keçirməyi planlaşdırır.
Bu açıqlama Türkiyə prezidenti Rəcəb Tayyib Ərdoğanın cümə axşamı ABŞ prezidenti Donald Trampla görüşündən az sonra verilib.
