“Ramazan bayramı, yaxud da 28 May Respublika Günü ilə əlaqədar əfv gözləntimiz var”.
Bu sözləri Azpost.info-ya İnsan Hüquqları və Qanunçuluğun Müdafiəsi Bürosunun rəhbəri Səidə Qocamanlı deyib.
O Novruz Bayramında əfv fərmanın imzalanmamsına da aydınlıq gətirib. “Bilirsiniz ki, 8 Noyabr Zəfər günü ilə əlaqədar Milli Məclisin Aministiya Aktının elan edilməsi ilə bağlı qərarı oldu və bu qərar təsdiqləndi. Təbii ki, əfv fərmanı da imzalansaydı yaxşı olardı. Bununla belə, biz gözləyirik ki, hökumətin humanist addımları davam edəcək. Bizim gözləntimiz budur ki, Ramazan bayramında, yaxud da 28 May Respublika Günündə əfv fərmanı imzalansın. Lakin bildiyiniz kimi əfv fərmanının imzalanması Prezidentin səlahiyyətinə aid məsələdir. Ona görə də bunun baş verib-verməyəcəyini dəqiq deyə bilmərik”, – deyə hüquq müdafiəçisi bildirib.
Azpost.info
