NATO baş katibi Yens Stoltenberq daha bir il vəzifəsində qalacaq. Müttəfiqlər Rusiyanın Ukraynaya hərbi təcavüzü səbəbindən onun səlahiyyət müddətini uzatmaq barədə razılığa gəliblər.
Azpost.info xəbər verir ki, bu barədə Britaniyanın “Sky News” telekanalı məlumat yayıb. Məlumata görə, bu qərar NATO-nun bugünkü fövqəladə sammitində elan ediləcək. İki Qərb rəsmisinin sözlərinə görə, Stoltenberqin baş katib vəzifəsində qalması artıq bütün müttəfiqlər tərəfindən razılaşdırılıb. Beləliklə, Stoltenberq səlahiyyət müddəti başa çatandan – bu ilin sentyabrından sonra da postunda qalacaq. Yens Stoltenberq 2014-cü ildən bu vəzifədədir.
Azpost.info
