ABŞ-da Pensilvaniya ştatının Pittsburq şəhərində atışma nəticəsində iki yeniyetmə ölüb, daha 9 nəfər yaralanıb.
Bu barədə şəhər polisi məlumat yayıb.
Polisin ilkin araşdırmasına görə, icarəyə götürülən mülkdə çoxu azyaşlı olan 200-ə qədər adamın iştirakı ilə ziyafət təşkil edilib. Qapalı məkanlarda 50-yə qədər, çöldə isə daha bir neçə atəş açılıb. Zərərçəkənlərin xəstəxanaya yerləşdirildiyi qeyd edilir.
Polis hadisə yerinə gəldikdən sonra da atəş açılıb. Rəsmi məlumatda qeyd edilir ki, həmin məkandan xeyli gəncin uzaqlaşdığı görülüb.
