“Rusiyanın Ukraynaya qarşı təcavüzü böyüyüb və bunun nə vaxt və necə bitəcəyini heç kim dəqiq deyə bilməz”.
Azpost.info xəbər verir ki, bunu NATO baş katibi Yens Stoltenberq deyib.
O qeyd edib ki, Rusiya prezidenti Vladimir Putin bir həftə ərzində Ukraynada öz məqsədlərinə çatmağı planlaşdırmaqla böyük strateji səhvə yol verib: “Müharibənin on üçüncü həftəsidir. Rus qoşunları Kiyevdən, Xarkovdan və ölkənin şimalından çıxarılıb. Bununla belə, müharibələr gözlənilməz olur. Bu müharibənin də nə vaxt və necə bitəcəyini heç kim dəqiq deyə bilməz”.
Stoltenberqin sözlərinə görə, Ukrayna bu ölkənin hərbçilərinin və hakimiyyət orqanlarının cəsarəti və peşəkarlığı, həmçinin Qərbin yardımı sayəsində müqavimət göstərməyə hazır olduğunu sübut edib. Stoltenberq əlavə edib ki, NATO-nun bu müharibədə iki vəzifəsi var – Ukraynanı dəstəkləmək və gərginliyin qarşısını almaq: “NATO-nun birinci vəzifəsi dəstək verməkdir. Təkcə indi yox, həm də uzunmüddətli perspektivdə. İkinci vəzifəmiz eskalasiyanın qarşısını almaq, bütün müttəfiqləri qorumaqdır. Ukraynadakı müharibə amansızdır. Biz mülki əhalinin itkilərini, bombardmanları, dağıntıları, şəhərlərin dağıdılmasını görürük. Amma bu, NATO ilə Rusiya arasında genişmiqyaslı müharibəyə çevrilərsə, daha çox ziyan vuracaq”.
Azpost.info
