Rusiyanın Ukraynaya genişmiqyaslı müdaxiləsi başlayandan bəri Almaniya rusiyalı oliqarxların və Avropa İttifaqının (Aİ) sanksiya siyahısında olan digər rusların 143 milyon avro dəyərində aktivlərini dondurub.
Azpost.info xəbər verir ki, bu barədə “Spiegel” məlumat yayıb.
Almaniya Maliyyə Nazirliyinin məlumatına görə, fevralın sonunda ölkədə Rusiyanın cəmi 342 min avro aktivi dondurulubsa, mayın 23-nə bu məbləğ 142 990 409,35 avro təşkil edib. Məlumata görə, Rusiyanın Almaniyadakı aktivlərinin dondurulmasının əsası 2014-cü ildə Rusiyanın Krımı ilhaqından sonra qoyulub.
İlkin hesablamalara görə, sanksiyalar altında olan rusiyalı oliqarxların Aİ-də dondurulan aktivlərinin dəyəri 10 milyard avroya yaxındır. Avropa Komissiyasının sədri Ursula fon der Lyayen dondurulmuş aktivlərin Ukraynanın bərpası üçün istifadə olunacağını istisna etməyib.
Azpost.info
