Qaraqalpaqda etirazların yatırılması zamanı həlak olan 18 nəfərdən 14-ü mülki şəxs, 4-ü hüquq-mühafizə orqanlarının əməkdaşı olub.
Azpost.info xəbər verir ki, bunu Özbəkistan Milli Qvardiyasının komandiri Rüstəm Jurayev deyib.
“Birbaşa iğtişaşların baş verdiyi yerdə 14 vətəndaş həlak olub. Onlardan 13-ü spirtli içki və narkotik vasitənin təsiri altında olub”, – Jurayev bildirib.
“UzDaily” xəbər verir ki, Özbəkistan Baş Prokurorluğunda hakimiyyəti ələ keçirmək və ya konstitusiya quruluşunu dəyişməyə cəhd maddəsi ilə cinayət işi başladılıb. İğtişaşlarla bağlı 516 nəfərin saxlanıldığı bildirilir.
Baş Prokurorluq paytaxt Nukusda bir neçə yük maşınının və vaqonun yandırılması və “Dostluq” kanalı üzərindəki körpünün, eləcə də digər tikililərin və keçid məntəqələrinin zədələnməsi barədə də məlumat yayıb.
Azpost.info
