“Rusiyanın Ukraynadakı xüsusi əməliyyatını tənqid edənlərin mahnıları olmadan da keçinmək olar”.
Azpost.info xəbər verir ki, bunu Rusiya Dumasının deputatı Yelena Drapeko deyib.
Deputat bildirib ki, ölkə əleyhinə çıxış edən məşhurların sözlərinə və hərəkətlərinə göz yummaq olmaz:
“Xüsusi əməliyyata qarşı çıxan musiqiçilərin işi efirdən çıxarılırsa, Allaha şükürlər olsun. Meladzenin mahnıları olmadan mən dəqiq keçinərəm. Puqaçovanın mahnılarına görə çox təəssüflənirəm, amma onları dinləmək istəsəm, məndə lent yazıları var”.
O əlavə edib ki, Rusiya Konstitusiyası vətəndaşın vəzifə və hüquqlarını təsbit edir. Və öz vəzifələrini yerinə yetirməyənlərin hüquqları məhdudlaşdırılmalıdır.
Məlumatlara görə, Alla Puqaçova və Valeri Meladzenin bütün mahnıları efirdən yığışdırılıb. Bu qərarın onların Ukraynadakı hərbi əməliyyatı ictimai şəkildə pisləmələri ilə bağlı olduğu bildirilir.
Azpost.info
