Türkiyənin Bartin vilayətində kömür mədənində partlayış nəticəsində dağıntılar altında qalan 87 işçidən 11-i xilas edilib.
Bu barədə Amasra rayonunun Bələdiyyə başçısı Recai Çakır jurnalistlərə açıqlamasında bildirib.
Enerji və təbii ehtiyatlar naziri Fatih Dönməz və daxili işlər naziri Süleyman Soylu hadisə yerinə gedir.
Bartin vilayəti Respublika Baş Prokurorluğunda baş verən partlayış ilə bağlı istintaq başladılıb, 3 prokuror işə cəlb olunub.
**
Türkiyənin Bartin vilayətində daş kömür mədənində partlayış baş verib.
NTV-nin xəbərinə görə, hadisə yerinə xilasedicilər cəlb edilib.
Partlayışın səbəbi hələ ki, məlum deyil.
Bölgəyə çoxlu sayda təcili yardım maşınları göndərilib.
Yerin altında fəhlələrin olduğu bildirilir.
Hadisə ilə bağlı açıqlama verən Bartın valisi Nurtaç Aslan partlayışın səbəblərinin hələ bəlli olmadığını deyib.
