“Rusiya və Çin Qərbi neftin qiymətinin gözlənilməz artımı ilə təəccübləndirəcək”.
Azpost.info xəbər verir ki, bu barədə Rusiya mətbuatı “Money” jurnalının italyan yazarı Violetta Silvestriyə istinadən yazır.
“Beynəlxalq Enerji Agentliyinə görə, neftin bir barelinin qiyməti bu ilin sonunda 80 dollara düşsə də, 2023-cü ildə kəskin şəkildə artacaq. Lakin Rusiya sanksiyalara görə neft hasilatını azaldacağı təqdirdə qiymətlər kəskin artmağa başlaya bilər”, – yazıda qeyd olunur.
Silvestri bildirib ki, 2023-cü ildə Rusiya və Çin hesabına neft qiymətlərində gözlənilməz artım proqnozlaşdırılır:
“2023-cü ildə neftin qiymətinin artması Avropa İttifaqının neft embarqosu və Rusiya neftinin dəniz yolu ilə daşınmasına qadağa qoyulması ilə bağlı ola bilər. Bu səbəbdən Rusiya hasilatı azalda bilər ki, bu da dünya bazarında resurs çatışmazlığı yaracaq və qiymətlərin artmasına səbəb olacaq. Qiymətlərə Çinin hərəkətləri də təsir edəcək ki, bu da neftə tələbi kəskin şəkildə artıra bilər”.
Azpost.info
