Ukraynanın Müdafiəsi üzrə Təmas Qrupunun (“Ramşteyn” formatı) səkkizinci iclası yanvarın 20-nə təyin olunub.
Azpost.info xəbər verir ki, bu barədə Almaniya Müdafiə Nazirliyi məlumat yayıb.
İclasla bağlı Almaniya və ABŞ müdafiə nazirləri arasında söhbət olub: “Yanvarın 20-də keçiriləcək “Ramşteyn” formatının görüşünə hazırlıq zamanı əsas müzakirə mövzusu Ukraynadakı mövcud hərbi vəziyyət və Ukraynanın müdafiə kampaniyasına gələcək hərbi dəstəyin koordinasiyası olub”.
Pentaqon daha əvvəl bildirmişdi ki, Ukraynanın müdafiəsi üzrə təmas qrupunun səkkizinci iclasında 50 ölkənin müdafiə nazirliklərinin rəhbərləri iştirak edəcək.
“Müttəfiqlərimizlə birlikdə bir daha nümayiş etdiririk ki, biz Ukraynanı birgə dəstəkləyirik və sıx əlaqələndirilmiş cəbhə kimi çıxış edirik. Biz birlikdə daha güclüyük”, – Almaniyanın müdafiə naziri bildirib.
Azpost.info
