“Qlobal iqtisadiyyat böhranlar, o cümlədən pandemiya və Ukrayna münaqişəsi qarşısında dayanıqlılıq nümayiş etdirdi”.
Azpost.info xəbər verir ki, bu barədə bu gün Yaponiyada keçirilən G7 ölkələrinin maliyyə nazirləri və mərkəzi bank rəhbərlərinin görüşündən sonra qəbul edilmiş bəyanatda deyilir.
“Qlobal iqtisadiyyat COVID-19 pandemiyası, Ukraynadakı münaqişə və inflyasiya təzyiqləri kimi çoxsaylı şoklara davamlılıq nümayiş etdirib”, – bəyanatda bildirilir.
Sənəd müəllifləri həmçinin G7 hökumətlərinin qlobal iqtisadiyyatın perspektivləri ilə bağlı artan qeyri-müəyyənlik qarşısında çevik və sayıq qalmasının vacibliyini qeyd ediblər.
Hazırda ABŞ-da davam edən bank problemlərinə gəlincə, sənəddə bildirilir ki, siyasətçilər bank sistemində məlumat, nəzarət və tənzimləmə sahəsində boşluqları aradan qaldıracaqlar.
Azpost.info
