LDPR-nin qurucusu və keçmiş sədri Vladimir Jirinovski sərvətinin yalnız beşdə birini övladlarına qoyub.
Azpost.info xəbər verir ki, bunu Rusiya Dumasının keçmiş deputatı Vasili Vlasov bildirib.
Üstəlik, mərhum siyasətçi ölümündən sonra partiyasına 2 milyard rubl vəsiyyət edib.
Vlasov deyib ki, Jirinovski öz vəsiyyətində sərvətinin 70 faizini partiyasına, 20 faizini uşaqlarına və 10 faizini 1999-cu ildə Jirinovski tərəfindən yaradılan Dünya Sivilizasiyaları İnstitutuna qoyub.
Eks-deputat Jirinovskidən qalan bu məbləğin LDPR-nin növbəti iki prezidentlik kampaniyasında iştirakına kifayət edəcəyini bildirib.
“Bu pulun indi necə xərcləndiyini bilmirəm”, – Vlasov əlavə edib.
Vladimir Jirinovski 6 aprel 2022-ci ildə – COVID-19-a yoluxduqdan 2 ay sonra 75 yaşında vəfat edib.
Azpost.info
