Rusiya hakimiyyəti xarici onlayn mağazalardan alınan malların rüsumsuz idxalı ləğv etməyə və belə məhsullara onların dəyərinin 5 faizi həcmində vahid rüsum tətbiq etməyə hazırlaşır.
Azpost.info xəbər verir ki, “İzvestiya” yazır ki, bu, Rusiya prezidentinin köməkçisi Maksim Oreşkinə yazılan məktubdan məlum olub.
Məktubda bildirilir ki, 2023-cü ilin sonunda Aİİ iştirakçılarının dövlət başçıları Gömrük Məcəlləsinə transsərhəd ticarətə aid düzəlişləri təsdiqləyib və ratifikasiyaya göndəriblər. Bu düzəlişlərdə fiziki şəxslər tərəfindən alınan elektron ticarət mallarından bəhs edilir və Avrasiya İqtisadi Komissiyasına belə malların rüsumsuz idxalı normasının müəyyən edilməsindən imtina etmək imkanı yaradır.
Rusiya Maliyyə Nazirliyi təsdiq edib ki, xarici alışlara vahid rüsumun tətbiqi müzakirə olunur. Nazirlik əmindir ki, belə bir addım iqtisadi cəhətdən əsaslandırılır, çünki oflayn ticarət yolu ilə Rusiyaya gətirilən mallar rüsumlara məruz qalır.
Hazırda ruslar onlayn sifariş edib xaricdən min avroya qədər (çəkisi 31 kiloqramadək) olan malları rüsum ödəmədən ala bilirlər. Bu limitdən yuxarı alışlar məhsulun qiymətinin 15 faizi həcmində rüsum tələb edir. 2024-cü il aprelin 1-dən limit avtomatik olaraq 200 avroya endirilə bilər.
Azpost.info
