Artan yorğunluq, iştahsızlıq, depressiyaya meyl, baş ağrısı, gərginlik hissi, yaddaşın pozulması, yuxuya getmənin çətinliyi və ya yuxusuzluq, kövrək dırnaqlar və saçlar, bəzən də uyuşma, başgicəllənmə orqanizmdə maqnezium çatışmazlığının ilk əlamətləridir.
Azpost.info xəbər verir ki, mütəxəssislərə görə, maqnezium sinir sisteminin normal fəaliyyəti üçün vacib elementdir.
Maqnezium çatışmazlığını banan, paxlalı bitkilər, dəniz yosunu, eləcə də tünd şokolad və dəniz balıqları, xüsusilə qızılbalıq yeməklə kompensasiya etmək olar.
Maqnezium orqanizmdə demək olar ki, bütün metabolik proseslərdə iştirak edir. Məsələn, B1, B2, B3, B5, B6 vitaminlərinin formalarını əmələ gətirir, inkişafın bütün mərhələlərində uşağın sinir sisteminin normal fəaliyyətini təmin edir, antioksidantların sintezində iştirak edir, əzələlərin rahatlanmasından məsuldur, sümüklərin struktur inkişafında iştirak edir, qlükoza səviyyəsinə nəzarət edir, sinir toxumasında impulsların keçirilməsini yaxşılaşdırır.
Tədqiqatlar göstərir ki, yeddi gün ərzində 150-300 mq maqnezium qəbulu depressiya əlamətlərinin azalmasına səbəb olur.
Maqnezium çatışmazlığı diabet ehtimalını da artırır. Maqnezium səviyyəsi nə qədər aşağı olarsa, qanda qlükoza səviyyəsi bir o qədər yüksək olar.
Azpost.info
