“Moskva yaxınlığındakı “Krokus Siti Holl” konsert zalında törədilən terror aktı Rusiyada çaxnaşma yaratmaq üçün Qərb kəşfiyyat xidmətləri və Ukraynaya lazım idi”.
Azpsot.info xəbər verir ki, bunu Rusiya Federal Təhqiqat Xidmətinin rəhbəri Aleksandr Bortnikov deyib.
Onun sözlərinə görə, sifarişçi hələ müəyyən edilməyib, lakin FTX-da bu hücumun arxasında ABŞ, Böyük Britaniya və Ukraynanın dayandığını göstərən müəyyən bilgilər var.
“Şübhəlilərin dairəsi genişlənəcək, cinayət ortaqlarının sayı daha çox olacaq. Həm ölkə daxilində, həm də xaricdə bu teraktın bütün iştirakçılarının müəyyən edilməsi üçün çox işlər görülür. Bütün əməliyyat bölmələrimiz bu işlə fəal məşğul olur, o cümlədən dost dövlətlərin kəşfiyyat xidmətləri ilə əməkdaşlıq edir”, – Bortnikov bildirib.
Azpsot.info
