Ukraynanın Rusiyaya uduzması Qərb üçün məğlubiyyət deməkdir, buna yol vermək olmaz.
Azpost.info xəbər verir ki, bunu Fransa və Böyük Britaniyanın xarici işlər nazirləri Stefan Sejurne və Devid Kemeron bildirib.
“Ukrayna uduzsa, hamımız məğlub olacağıq. Ukraynanı dəstəkləməməyin nəticəsi Putinə müqavimət göstərməyimizin nəticəsindən ağır olacaq. Dünya bizi izləyir və uğursuz olsaq, bizi mühakimə edəcək”, – nazirlər “The Telegraph” üçün birgə köşə yazısında yazıblar.
Onların sözlərinə görə, Paris və London Ukraynaya göstərilən yardımdan qürur duyur, lakin Rusiyanı məğlub etmək üçün daha çox iş görülməlidir. Bununla əlaqədar, XİN rəhbərləri iyulda keçiriləcək Avropa siyasi birliyinin sammitində Ukraynaya dəstəyi bir daha təsdiqləyəcəklərini və eyni zamanda, eyni ayda keçiriləcək NATO sammitinin məhsuldar olmasını təmin edəcəklərini vəd ediblər.
Fransa və Britaniya xarici işlər nazirlərinin bəyanatı Kiyevin Qərb müttəfiqlərinin Rusiyanın yay hücumunun Ukraynanın müdafiəsinə zərbə vura biləcəyindən narahat olduqları bir vaxta təsadüf edir. “Bloomberg”in anonim rəsmilərə istinadən yazdığı kimi, Kiyev üçün vəziyyət yanvarın sonu ilə müqayisədə xeyli pisləşib və Ukraynanın müttəfiqləri “sursat yarışında” Rusiyaya uduzmağa başlayıblar.
Azpost.info
