ABŞ İranın yaxın günlərdə İsrail daxilində bir neçə hədəfə zərbə endirəcəyini gözləyir.
Azpost.info bildirir ki, bu barədə CNN mötəbər mənbələrə istinadən xəbər verir.
Vaşinqton müttəfiqinə atılan istənilən silahın qarşısını almağa kömək etməyə hazırdır. ABŞ prezidenti Co Baydenin administrasiyası Yaxın Şərqdə son dərəcə qeyri-sabit və gözlənilməz bir dövrün başlanmasına səbəb ola biləcək hadisələrə qarşı yüksək hazırlıq vəziyyətindədir.
Cümə axşamına olan məlumata görə, ABŞ kəşfiyyatı hücumlarda İranın proksi-qüvvələri də iştirak edə biləcəyinə inanır. Hədəflərin həm İsrail daxilində, həm də bölgədə olması ehtimalı var.
ABŞ kəşfiyyatı ilə tanış olan mənbələrə görə, Vaşinqton İranın PUA-lar və qanadlı raketlər də daxil olmaqla hərbi vasitələrini ölkə daxilində hərəkət etdirdiyini müşahidə edib. ABŞ hesab edir ki, bu, İran öz ərazisindən İsrail hədəflərinə hücum etməyə hazırlaşdığını göstərir.
ABŞ kəşfiyyatı İranın 100-ə qədər qanadlı raket hazırladığını müşahidə edib.
Azpost.info
