İranın xarici işlər naziri Hüseyn Əmirabdullahian və rusiyalı həmkarı Sergey Lavrov telefon danışığında Qərbi Asiyada baş verən son hadisələri müzakirə ediblər.
Azpost.info bildirir ki, bu barədə İRNA məlumat yayıb.
Rusiya Xarici İşlər Nazirliyinin yaydığı bəyanata görə, Moskva aprelin 1-də İsrailin İranın Dəməşqdəki konsulluğuna hücumunu kəskin şəkildə pisləyib.
Məlumatda daha sonra bildirilib ki, hər iki tərəf beynəlxalq və regional gündəliyin prioritetləri üzrə koordinasiyanın yüksək səviyyədə saxlanması barədə razılaşmaları təsdiqləyiblər.
“Hər iki tərəfin siyasi və diplomatik əməkdaşlığın, o cümlədən nəqliyyat-logistika sektorunda, tranzit daşımalar sahəsində qarşılıqlı fəaliyyətin ardıcıl şəkildə genişləndirilməsində maraqlı olduğunu vurğulayıblar”.
