ABŞ prezidenti Co Bayden İranın İsrailə hücumundan sonra Tehranı təhrik etməmək və vəziyyətin gərginləşməsinin qarşısını almaq üçün Amerika xalqına müraciət etməyib.
Azpost.info xəbər verir ki, bu barədə “Politico” yazıb.
Nəşr qeyd edir ki, Ağ Ev bunu gərginliyə səbəb ola biləcəyi qənaətinə gəlib. Buna görə də, ABŞ prezidenti ictimaiyyətin diqqətini bilərəkdən İranın kütləvi zərbəsinə cəlb etməmək qərarına gəlib.
Mənbələrin “Politico”ya verdiyi məlumata görə, Bayden hələlik münaqişənin həlli üçün diplomatik yol tapmağa diqqət yetirir və İsrailin geniş şəkildə qisas almasına mane olmağa çalışır.
Bundan əvvəl Ağ Evdəki CNN mənbəsi bildirmişdi ki, Bayden İsrail Baş naziri Benyamin Netanyahu ilə söhbətində Vaşinqtonun İrana qarşı hücum əməliyyatlarında iştirak etməyəcəyini bildirib. Kanalın həmsöhbətinin qeyd etdiyi kimi, Bayden İranın İsrailə hücumunu uğursuz hesab edir və bu, artıq Təl-Əvivin qələbəsidir.
Prezident administrasiyasının və ABŞ Müdafiə Nazirliyinin yüksək vəzifəli rəsmiləri NBC telekanalına bildiriblər ki, eyni zamanda, Vaşinqton İsrailin mümkün nəticələr barədə düşünmədən İrana qarşı qisas ala biləcəyindən narahatdır.
Azpost.info
