Rüşvətə görə həbs edilən Rusiya müdafiə nazirinin müavini Timur İvanovun daha bir dəbdəbəli malikanəsi üzə çıxıb.
Azpost.info xəbər verir ki, bu barədə “Mash” Telegram kanalı yazıb.
Kanalın məlumatına görə, dəyəri təxminən 2 milyard rubl olan ev Tver vilayətində yerləşir.
“Mash” yazır ki, Volqanın sahilindəki Pankratovo kəndində yerləşən, klassik üslubda tikilən malikanədə qonaq otağı, yemək otağı, iki yataq otağı, 40 metrlik hamam və üç soyunub-geyinmə otağı var. Səkkiz yataq otağı olan iki yardımçı tikili də evə birləşdirilib.
Kanal qeyd edir ki, malikanənin zirzəmisində anbarlar var: dördü mebel, ikisi isə yemək üçün. Ərazidə fəvvarə ilə bir park da var, əmlakın ümumi sahəsi üç min kvadratmetrdən bir qədər azdır.
Azpost.info
