Böyrəkləri sağlam saxlamaq üçün nə yemək lazımdır? –
User
26 Yanvar 2025 - 11:28 (Last updated: 21 May 2025 - 20:15)
Xiyar
Böyrəkləri sağlam saxlamaq üçün nə yemək lazımdır?
Böyrək problemlərindən qaçmaq üçün nə yemək lazım olduğu məlum oldu
Həkimlər böyrəklərin sağlamlığını dəstəkləyən məhsulların adlarını açıqlayıblar.
AzPostbildirir ki, rusiyalı mütəxəssilər böyrək sağlamlığı üçün zəruri olan beş əsas məhsulu sadalayıblar.
Həkimlər xəbərdarlıq edib ki, böyrəklərin funksiyasının zəif olması səbəbindən qan azlığı yarana, ürək və damarların, həzm orqanlarının fəaliyyəti pisləşə, immunitet aşağı düşə bilər.
Böyrəyə qanı və bədəni toksinlərdən təmizləməsinə kömək etmək üçün rasionunuza xiyar, qarabaşaq yarması, dəniz balığı, qaragilə və buğda kəpəyi daxil etməlisiniz.
Dəniz balıqlarının tərkibində olan Omeqa-3 böyrək toxumasını və ümumiyyətlə böyrək funksiyasını qorumağa kömək edir, qaragilə isə böyrək borularını atrofiyadan qoruyur. B6 vitamini ilə zəngin olan buğda kəpəyi sidik daşı xəstəliyinin qarşısını alır.
Mütəxəssilər hətta sağlam qidalardan da sui-istifadə etməməyə və balanslaşdırılmış pəhrizə riayət etməyə çağırıblar. Onlar həmçinin çoxlu miqdarda duz, konserv, qırmızı ət, şirin və yağlı qidalardan istifadə etməmək barədə xəbərdarlıq ediblər.
Yerigəlmişkən:
Bəzi məhsullar böyrəklərin fəaliyyətinə müsbət təsir edir, onları qoruyur. Bu məhsulları rasiona daha tez-tez daxil etmək lazımdır.
– Balqabaq və balqabaq tumları A, E, maqnezium, kalsium, kalium kimi böyrəklər üçün faydalı maddələrlə zəngindir. Kalium orqanizmdən artıq mayeni xaric etməyə kömək edir, ödemlərlə mübarizə aparır. Balqabaq və balqabaq tumları yüngül sidikqovucu təsir edir, böyrəkləri təmizləyir, onların fəaliyyətini yaxşılaşdırır.
Alimlərin fikirinə görə, balqabaq şirəsi və balqabaq tumlarını daim qəbul edən insanlar böyrəklərində daşların əmələ gəlməsinin qarşısını alır.
– Qarpız. Bu nəhəng giləmeyvə böyrəkləri çox yaxşı təmizləyir, böyrəklərin fəaliyyətini yaxşılaşdırır. Qarpız şirəsi orqanizmi maye ilə doydurur, qanı duruldur və bunun nəticəsində böyrəklərin işini xeyli yüngülləşdirir.
– Xiyarın 95%-ni su təşkil edir. Lakin bu adi su deyil. Bu su orqanizmdə yığılmış ziyanlı maddələri xaric etmək qabiliyyətinə malikdir.
– Qreypfrut və digər sistrus meyvələrində spesifik maddə aşkar olunub ki, bu maddə böyrəklərdə kistaların əmələ gəlməsinin qarşısını alır.
– Şüyüd böyrəklər üçün faydalı olan efir yağları ilə zəngindir. Təzə şüyüd və ya şüyüd şirəsi böyrəkləri qumdan və hətta xırda daşlardan təmizləyir.
– Kök, bibər, çaytikanı, mərəcüyüd və s. A vitamini ilə zəngin olan məhsullar böyrəklərin sağlamlığına çox müsbət təsir edir.
– İtburnu çox güclü sidikqovucu təsirinə malikdir. İtburnu böyrəkləri qumdan təmizləyir, xırda daşları əridir.
