Berlin və Ankara müxtəlif dönər reseptlərinə görə mübahisə edir.
AzPost xəbər verir ki, bu barədə The Telegraph yazır.
Məqalədə deyilir ki, “Türkiyənin orijinal dönər üçün hüquqi müdafiəyə nail olmaq cəhdi Almaniyanın sevimli fast-foodunun gələcəyinə son qoya bilər”.
Qeyd edək ki, Türkiyə özünəməxsus dönər versiyasını Avropa Birliyində qeydiyyatdan keçirmək üçün müraciət edib. Bu, yeməyə Fransız şampan şərabı, İtaliyadan Neapolitan pizzası və digər qeydiyyatdan keçmiş məhsullar kimi müəllif hüquqi verilməlidir.
Əgər Ankaranın lehinə qərar qəbul olunarsa, Almaniyada dönər yalnız türk reseptlərinə uyğun hazırlanacaq. Əks halda satıcılar yeməyin adını dəyişməli olacaqlar.
Qeyd edək ki, Türkiyəyə görə, orijinal dönər yalnız toyuq, quzu və ya qatıq ilə göyərti ilə marinadlanmış cavan mal ətindən hazırlanmalıdır. Bundan əlavə, ət üfüqi olaraq 3 ilə 5 mm qalınlığında dilimlənməlidir.
Qeyd olunur ki, Ankaranın hərəkətləri hər il bir milyarddan çox dönər satılan Almaniyada ciddi narazılığa səbəb olub. Tərəflər bu məsələdə konsensusa gələ bilməsələr, qərar Avropa Komissiyası tərəfindən veriləcək.
