məktəb geyimi
Uşaqlarına məktəb geyimi almaq istəyən ata dəhşətli cinayət törətdi – Son çarəm idi
Türkiyənin Burdur şəhərində ata və oğul 30 min lirəyə (1400 manat) görə öldürülüb. AzPost Türkiyə mətbuatına istinadla xəbər verir ki, hadisə 3 sentyabr 2024-cü ildə saat 19:00 radələrində Gölhisar mahalının Konak rayonunda baş verib. 43 yaşlı Mətin Kızıllı borc mübahisəsinə görə ədavətdə olduğu 53 yaşlı Ramazan Tin və onun 30 yaşlı oğlu Muharrem Tinə ov tüfəngi ilə atəş açaraq qaçıb. Ramazan Tin hadisə yerində, oğlu isə xəstəxanada dünyasını dəyişib. Avtomobil ilə qaçan Metin Kızıllı polislər tərəfindən Tefenni rayonunda yaxalanıb.
Yaxınlıqdakı obyektin təhlükəsizlik kamerasına əks olunan görüntülərdə Metin Kızıllının əlində tüfənglə ata və oğula tərəf qaçdığı, əvvəlcə Ramazan Tinə, daha sonra oğlu Məhərrəm Tinə atəş açdığı, daha sonra maşınına minərək uzaqlaşdığı anlar əks olunub.
Qeyd edək ki, qatil hadisədən təxminən 6 ay əvvəl Ramazan Tin və oğlu Muharrem Tin ilə maşını satmaq üçün razılaşıb. Öldürülən ata və oğul qatilə 30 min lirə borclu qalıb.
Dəfələrlə pulunu istəsə də qarşı tərəf müxtəlif bəhanələr ilə ona pulu qaytarmayıb. Metin Kızıllı ifadəsində bildirib ki, sentyabrın 3-də övladlarının məktəbli formasının pulunu tapa bilmədiyi üçün həyat yoldaşı ilə mübahisə edib. Ov tüfəngini götürərək Ramazan Tinin işlədiyi obyektə gəlib. “Məqsədim öldürmək deyildi. Onları qorxudaraq pulumu almaq, məktəb geyimi almaq istəyirdim. Lakin güllə Ramazanın başına dəydi. Mən o an şokda idim. Sonra necə atəş açdığımı xatırlamıram. Son çarəm idi. Pulumu almaq istəyirdim” – deyə ittiham olunan şəxs bildirib.
Qeyd edək ki, polis istintaqı yekunlaşdırıb və yaxın günlərdə Burdur Ağır Cəza Məhkəməsində işə baxılacaq.
