Telman Adıgözəlovun oğlu işdən çıxarılıb
Xalq artisti Telman Adıgözəlovun oğlu Tural Adıgözəlov Fövqəladə Hallar Nazirliyindəki vəzifəsindən azad edilib.
AzPost xəbər verir ki, Sitat.info bu barədə məlumat əldə edib.
Belə ki, mayor rütbəsi daşıyan Tural Adıgözəlov FHN Dövlət Yanğın Nəzarəti Xidmətinin 2-ci Ərazi Dövlət Yanğın Nəzarəti İdarəsinin rəis müavini vəzifəsində işləyirmiş.
O öz ərizəsi ilə işdən çıxarılıb və səbəbi ilə bağlı isə heç bir məlumat verilməyib.
Telman Abbasqulu oğlu Adıgözəlov Azərbaycan televiziya, teatr və kino aktyoru, aparıcı olub. Azərbaycan Respublikasının xalq artisti adını alıb.
15 aprel 2010-cu ildə 56 yaşında ürək çatışmazlığında vəfat edib. Fatmayıdakı kənd qəbiristanlığında torpağa tapşırılıb.
Bir qızı və bir oğlu var.
