ABŞ-da polis 1989-cu ildə itkin düşən tələbənin qalıqlarını tapa bilib. AzPost Daily Mail-ə istinadla xəbər verir ki, Kaliforniya Universitetinin tələbəsi Vendy Abrams-Nishikai 31 oktyabr 1989-cu ildə yoxa çıxıb.
Bir il sonra Colfax ərazisində naməlum qızın qalıqları tapılıb. Polis həmin vaxt onların şəxsiyyətini müəyyən edə bilməyib. Həmin vaxt mediada bu barədə məlumat yayılıb və tapılmış qalıqların fotosu da dərc olunub.
2020-ci ildə internet forumlarının birində məsələ müzakirə olunub. Forum iştirakçıları qalıqların şəkili ilə itkin düşən tələbə arasında əlaqə tapıblar.
Onlar tapılmış qalıqlar ilə qızın həqiqi fotosunu müqayisə ediblər. Xarici görünüş, eyni boy və çarpaz döymənin oxşarlığını nümayiş etdiriblər. Maraqlıdır ki, polis bu detallara diqqət etməyib.
35 il sonra, 2023-cü ilin yanvar ayında polis tapılan qalıqlarda olan dırnaq nümunəsi ilə itkin düşən qızın qohumlarının DNT analizini müqayisə edib və cəsədin həqiqətən itkin düşən Vendi olduğu təsdiqlənib.
Buna baxmayaraq, istintaq davam edir. Lakin qızın hansı səbəbdən öldüyü təsdiq olunmayıb. Polisin sözlərinə görə, Vendi hücuma məruz qalıb və indi onlar bunun arxasında kimin dayandığını araşdırır.
