infarkt
Göteborq Universitetinin isveçli alimləri aşkar ediblər ki, kişilərdə yüksək səviyyədə testosteron infarkt keçirdikdən sonra iltihabı artıraraq, ürək əzələsinin ciddi zədələnmə riskini artırır.
AzPost Championat.com-a istinadən xəbər verir ki, bu xüsusiyyət kişilərin miokard infarkt və onun ağır nəticələrini qadınlara nisbətən daha çox yaşamasının səbəbini izah edir.
Nature Communications jurnalında dərc edilən bir araşdırmaya görə, testosteron kişilərdə iltihab reaksiyasını artırır və ürək zədələnməsinə səbəb olur. Bu, siçanlar üzərində eksperimental olaraq təsdiqlənib. Kişilərdə koronar arteriya bağlandıqdan sonra ürək toxumasının böyük nekrozu ocaqları yarandı, qadınlarda isə zədələnmə daha az geniş olub.
Bundan əlavə, elm adamları revmatoid artritin müalicəsində istifadə edilən tosilizumab preparatını sınaqdan keçirib və onun infarktdan sonra kişilərdə iltihabi reaksiyaların səviyyəsini əhəmiyyətli dərəcədə azaltmağa qadir olduğunu müəyyən ediblər. Bu bilik kişilərdə ürək xəstəliklərinin qarşısının alınması və müalicəsi üçün metodların işlənib hazırlanması üçün yeni perspektivlər açır.
Əlavə olaraq oxuyun:
Ürək infarktının ən çox rastlaşdığımız əlaməti sol qola doğru yayılan sinə ağrısıdır. Ağrı şiddətli olur və bəzən mədə bulantısı, tərləmə, baş gicəllənmə kimi hallarda yaranır.
Bəzən mədə xəstələri infarktı mədə ağrısı hesab edirlərki buda infarktı gecikdirməyə səbəb ola bilər.Bəzi xəstələrdə infarkt nəfəs darlığınada səbəb olur. Bəzi xəstələrdə isə infark əlamətsiz keçir.
Beləki 5 ürək infarktında 1-i əlamətsiz və ya zəif əlamətlərlə keçir.Bunlar daha təhlükəli forma sayılır. Ona görədə deyə bilərik ki infark zamanı ağrı xəstə üçün bir şansdır.
