Döşək
Rusiyalı travmatoloq-ortoped Mixail İqnatov bildirib ki, yuxunun qeyri-kafi və ya keyfiyyətsiz olması halsızlıq, əsəbilik və pis əhval-ruhiyyəyə səbəb ola bilər.
AzPost Rusiya mətbuatına istinadla xəbər verir ki, yuxunun olmaması daha ciddi xəstəliklərə, o cümlədən depressiya, yuxusuzluq, ürək-damar problemlərinə yol açır.
“Keyfiyyətli yuxu təmin etmək üçün gündəlik rejimə riayət etmək lazımdır. Müəyyən vaxtda yatmaq və yatmazdan bir saat əvvəl qadcetlərdən istifadəni dayandırmaq əsasdər. Həmçinin, düzgün yemək, yatmazdan üç saat əvvəl çox yeməmək və fiziki fəaliyyətlə məşğul olmaq lazımdır”, – deyə ekspert bildirib.
Həkim rahat şərait yaratmağı da məsləhət görür: düzgün döşək və yastıq seçmək, yatmazdan əvvəl otağı havalandırmaq, temperaturun çox yüksək və ya çox aşağı olmamasına əmin olmaq. Eyni zamanda ortoped vurğulayıb ki, rahat bədən mövqeyi insanın gecələr kifayət qədər istirahət edib-etməməsinə və bədənin lazımi dərəcədə bərpa olub-olmamasına birbaşa təsir edir.
