Azəriqaz
Vətəndaş Orxan Nağı Azəriqaz İB-dən şikayətçidir. AzPost xəbər verir ki, o bu barədə sosial şəbəkə hesabında məlumat verib.
“4 gündür qazın verilməsində problem var və dəfələrlə zəng edərək şikayət etməyimə baxmayaraq, nəticə yoxdur. Zəng edən yoxdur, gəlib baxan yoxdur. Qonşularda da eyni problem var. Mail adreslərinə şikayət də yazmışam, amma ona da geri dönüş olunmur. Evdə 2 körpə var və hal-hazırda evin soyuq olması, isti su olmaması səbəbindən ailəmi qayınatamgilə yollamışam. Verilən qaz ilə su belə qaynatmaq mümkün deyil. Ödənişli xidmətdən xidmət görə bilmirəm. Nə vaxt zəng edirəm, “şikayətiniz qeydə alındı” və son. Hər zəngimdə başqa operatora problem izah etməkdən bezdim. Əvvəl közərmə olsa da, hal-hazırda ümumiyyətlə, qaz kəsilib”.
Vətəndaş bildirir ki, əvvəllər bu cür problemlər olduqda aidiyyəti üzrə müraciətlərə baxılırdı. “İndi dərdimizi kimə deyək, bilmirəm, amma görünən odur ki özbaşınalıqdır. Ödəniş olunmazsa, Azəriqaz əməkdaşları gəlib dərhal xidməti dayandırarlar. Amma mən ödəniş edirəm. Şikayətlərimin hər biri qənd kimi suda əridi, getdi” – deyə vətəndaş bildirib.
Vətəndaşın qaz sayğacının kodu: (011403600004070)
Əlavə olaraq oxu:
Qaradağ rayon sakini Artamonov Denis İqor oğlu sosial şəbəkələrdə video paylaşaraq aidiyəti dövlət qurumuna müraciət edib.
AzPost xəbər verir ki, vətəndaş idda edir ki, qaz sayğacına görə 1600 manat cərimə olunub. Belə ki, sayğacın möhürü qırıldığı üçün qaz istismar idarəsinin əməkdaşları ona cərimə yazıblar.
Vətəndaş deyir ki, sayğac evin və həyətin daxilində deyil. Küçədə qoyulan sayğaca görə isə o cavabdehlik daşımır.
Qarabağ müharibəsi qazisi olduğunu deyən Denis ona cərimənin qanunsuz yazıldığını bildirir və aidiyyəti dövlət orqanlarının ona kömək etməsini xahiş edir.
