“Bakı – Balakən qatarı, yalnız bir tərəfə biletin qiyməti :
SV – 96 manat
Kupe – 34 manat
5 il işləməyən Bakı – Balakən qatarının fəaliyyətinin bərpa edilməsi istiqamətində ADY-nin səyləri nə qədər diqqət cəlbedən olmuşdursa, indi təklif olunan qiyməytlər də bir o qədər ağlasığmazdır”.
AzPost xəbər verir ki, bunu ekspert Osman Gündüz öz sosial şəbəkə hesabında yazıb.
“Görünür ADY-də vəziyyət gərgindir. Adi vaxtlarda arada bu qatarın doluluq vəziyyətinə göz gəzdirirdim. Adətən 50%-dən aşağı olurdu. Güman ki əvvəlki dövrlərə nisbətən 4 dəfədən çox bahalaşan qiymətlər sərnişinlərə sərf eləmir” – deyə o bildirib.
Ekspert bildirib ki, hökumətdən subsidiya ala bilməyən ADY adi günlərdəki boş gedişlərin əvəzini bayram günlərinə yükləyib.
“Fikrimcə bu tip yanaşma sərgiləməkdənsə hökumətdən subsidiya almaq uğrunda vuruşmaq daha ağlabatan olardı”.
