Qəza
Türkiyənin Hatay vilayətinin Reyhanlı rayonunda “Mercedes” markalı avtomobillə toqquşan motosikletdə olan iki nəfərin metrlərlə havaya uçduğu anlar kameralara düşüb.
AzPost İHA-ya istinadla xəbər verir ki, qəza Reyhanlı rayonunun Cümhuriyyət məhəlləsində baş verib. Hərəkətdə olan “Mercedes Benz” markalı, 60 BM 717 nömrə nişanlı avtomobillə “Kuba” markalı, 31 AKF 676 nömrə nişanlı motosiklet toqquşub. Toqquşmanın təsirindən bir neçə metr havaya uçan motosiklet sürücüsü Halit C. və yanında olan İsmayıl C. ağır yaralanıb.
Ətrafdakıların məlumat verməsi ilə hadisə yerinə polis və təcili yardım qrupları gəlib. Yaralılara qısa müddətdə əraziyə gələn həkimlər tərəfindən ilkin tibbi yardım göstərildikdən sonra xəstəxanaya aparılıb. Kameraya düşən qəza ilə bağlı araşdırma başladılıb.
