Özbəkistan iyunun 1-dən investisiya qarşılığında “qızıl viza” proqramının tətbiqinə başlayacaq.
AzPost bildirir ki, ölkədə beş il müddətinə yaşayış icazəsi almaq üçün əcnəbi vətəndaş 200 min ABŞ dolları, həmçinin hər bir ailə üzvü – həyat yoldaşı, uşaqları və valideynləri üçün 100 min dollar ödəməli olacaq.
Özbəkistan hakimiyyətinin fikrincə, “qızıl viza” proqramı ölkəyə zəngin investorları cəlb edəcək və eyni zamanda iqtisadiyyata kapital axınını artıracaq.
